Լուսավորության ընտրության կատարելիս կարևոր է հաշվի առնել հետևյալ պարամետրերը
W (վատտ) - Լուսավորության էներգիայի սպառումը չափվում է վատտերով (W): Վատը ցույց է տալիս, թե որքան էլեկտրաէներգիա է ծախսվում 1 ժամում: LED տեսակը , ի տարբերություն շիկացման տեսակի խնայում է 8-10 անգամ էներգիա։
K (կելվին) - Լույսի գունային ջերմաստիճանը չափվում է կելվինով(K): Կելվինի հիմնական տեսակներ են ՝
2700K-3200K՝ տաք, հանգիստ գույն
4000K-4500K՝ չեզոք, նիտրալ, արևի գույն
5000K-6500K՝ սառը, սպիտակ գույն
Lm (լյումեն) - Լույսի հոսքը ցույց է տալիս արտադրվող լույսի ընդհանուր քանակը: Սա չափվում է լյումենով (Lm): Որքան բարձր է լյումենը, այնքան ավելի պայծառ է լուսավորությունը: Սա կարևոր պարամետր է լուսավորություն ընտրելիս։
IP (լույսի պաշտպանության աստիճանը)
IP20-IP44։ Ներքին օգտագործման համար՝ չպաշտպանված խոնավության բարձր մակարդակից:
IP54-IP65։ Օգտագործվում են արտաքին պայմաններում, որտեղ անհրաժեշտ է պաշտպանություն փոշուց և խոնավությունից: ։
IP66-IP68։ Լիովին պաշտպանված են փոշուց և կարող են դիմանալ խոնավության բարձր մակարդակին, ինչպես նաև ընկղմման:
Լուսավորության տեսակները
ԼԱՄՊ
ԼՈՒՍԱՏՈՒ
ԼՈՒՍԱՐՁԱԿ
Լամպը լույս արտադրող էլեկտրական սարքն է, որը տեղադրվում է լուսատուի կամ այլ շրջանակի մեջ՝ տարածությունը լուսավորելու համար: Լամպն ինքը չի կարող ուղղորդել կամ կառավարել լույսի տարածումը, քանի որ դրա հիմնական գործառույթը լույս արտադրելն է։
Լուսատուն լամպի տեղադրման շրջանակն է, որը միավորում է լամպը, էլեկտրական միացումները, պատյանը և հաճախ ուղղորդող տարրեր՝ ապահովելու համար լույսի պահանջվող տարածում: Լուսատուները նախատեսված են տարբեր կիրառությունների համար՝ ներքին, արտաքին, դեկորատիվից լուսավորությունից մինչև տեխնիկական։
Լուսարձակները նախատեսված են մեծ մակերեսների հզոր և լայն լուսավորություն ապահովելու համար։ Դրանք հիմնականում օգտագործվում են փողոցների կամ արդյունաբերական տարածքների լուսավորման համար՝ շենքերի արտաքին լուսավորության, մարզադաշտերի, պահեստների, կայանատեղիների լուսավորման համար:
LED լամպեր տեսակները
ԼԵԴ ԼԱՄՊԵՐ
Լեդ լամպերը էներգարդյունավետ և երկարատև լուսավորող սարքեր են, որոնք լայնորեն օգտագործվում են ինչպես տնային, այնպես էլ առևտրային ու արդյունաբերական պայմաններում։ Լամպը բաղկացած է կոթառից, ցրիչից, լուսադիոդներից, պաշտպանիչ դիոդներից և հովացման ալյումինե շերտից։ Լամպ ընտրելիս կարևոր է հաշվի առնել դրա հիմքը՝ Կոթառը։ Լամպերը տարբեր հիմքերով են (E27, E14, G, MR16, և այլն), որոնք ցույց են տալիս, թե ինչ տեսակի կոթառներ են անհրաժեշտ լամպի տեղադրման համար:
Լեդ լամպերի առանձնահատկությունները՝
- Էներգիայի արդյունավետություն: LED լամպերը սպառում են մոտ 80-90% ավելի քիչ էներգիա՝ համեմատած սովորական՝ շիկցման լամպերի հետ:
- Երկարակեցություն: LED լամպերի կյանքը շատ ավելի երկար է, քան շիկացման լամպերինը, միջինում մինչև 20,000-30,000 ժամ։
- Բազմազանություն: LED լամպերը ունեն տարբեր ձևեր, չափեր և լուսավորման ջերմաստիճաններ, ինչը թույլ է տալիս օգտագործել դրանք տարբեր պայմաններում։
- Պատրաստման նյութը։ Լեդ լամպերի պատրաստման հիմքը ալյումին է, ինչը թույլ է տալիս պատյանին էլ ավելի արդյունավետ հովացնել LED-երը:
- Ավելի քիչ տաքացում: LED լամպերը քիչ են տաքանում, ինչը նշանակում է, որ դրանք ավելի քիչ էներգիա են ծախսում։
ԼԵԴ ԼՈՒՍԱՏՈՒՆԵՐ
ԼԵԴ լուսատուները էներգաարդյունավետ և բազմակողմանի լուսավորության համակարգեր են։ ԼԵԴ տեխնոլոգիան թույլ է տալիս լուսատուներին ապահովել բարձրորակ լույս՝ միաժամանակ խնայելով էլեկտրաէներգիան և նվազեցնելով սպասարկման ծախսերը
LED լուսատուների հիմնական առավելությունները
- Էներգախնայողություն։ ԼԵԴ լուսատուները օգտագործում են մինչև 80-90%-ով պակաս էներգիա՝ համեմատած ավանդական լուսատուների հետ։
- Երկարատևություն։ Միջինում կարող են աշխատել 20,000-30,000 ժամ՝ կախված որակից, ինչը մի քանի անգամ ավելի երկար է ավանդական լուսատուներից։
- Որակյալ լույս։ LED լուսատուները ունեն միատեսակ, պայծառ լուսավորություն՝ առանց շողարձակումների և աչքին վնասակար ազդակների։
- Ավելի քիչ տաքացում: LED լուսատուները քիչ են տաքանում, ինչը նշանակում է, որ դրանք ավելի քիչ էներգիա են ծախսում։
- Շրջակա միջավայրի նկատմամբ բարենպաստ են։ Չեն պարունակում սնդիկ կամ այլ վտանգավոր նյութեր, և ավելի քիչ վնասակար են շրջապատի համար։
Լուսատուների տեսակները
Լուսարձակների տեսակները
ԼՈՒՍԱՐՁԱԿՆԵՐ
Լուսարձակները ունեն տարբեր կառուցվածք և ֆունկցիոնալություն ՝ համապատասխան իրենց կիրառության պահանջներին: Ահա լուսարձակների հիմնական տեսակները՝ ըստ իրենց դիզայնի, կիրառության և լուսավորության տեսակի:
Լուսարձակների հիմնական առավելությունները
Լույսի հզորություն և ինտենսիվություն։ Լուսարձակները նախատեսված են լայնածավալ և ինտենսիվ լուսավորություն ապահովելու համար: Լուսարձակներն ունեն բարձր լույսի արտազատում, ինչը թույլ է տալիս ապահովել մեծ մակերեսների լուսավորություն՝ ինչպես ներքին, այնպես էլ արտաքին տարածքներում:
Էներգաարդյունավետություն։ LED լուսարձակները, բարձր էներգաարդյունավետություն ունեն՝ ապահովելով մեծ լուսավորություն ավելի ցածր էներգիայի ծախսերով:
Ջերմաստիճանի հանդուրժողականություն։ Բարձր որակի լուսարձակները կարող են աշխատել ծայրահեղ ջերմաստիճանային պայմաններում՝ առանց աշխատանքի որակը նվազեցնելու։ LED լուսարձակները հիմնականում չեն տաքանում, ինչը նվազեցնում է հրդեհի կամ սարքավորման վնասման ռիսկերը:
Տեղադրման դյուրինություն: Լուսարձակների մեծ մասը նախագծված է այնպես, որ հեշտությամբ կարող է տեղադրվել տարբեր միջավայրերում՝ լինի դա պատին, տանիքին կամ հողի վրա։ Շատ լուսարձակներ ունեն շարժական հիմքեր, որոնք թույլ են տալիս ուղղորդել լույսը ցանկալի ուղղությամբ:
Խորհուրդներ լուսավորություն ընտրելիս
Լուսավորության պահանջվող հզորությունը կախված է սենյակի նպատակից, բնական լուսավորությունից, օգտագործվող լույսերի տեսակից և այլ գործոններից։ Օրինակ, գրասենյակում, դասարանում, լաբորատորիայում, կամ հյուրասենյակում պահանջվող լուսավորությունը տարբեր է։ Ստորև ներկայացված են որոշ ընդհանուր ուղեցույցներ՝ մեկ քառակուսի մետրի համար պահանջվող հզորության (վատտերում) համար։